Guraso talde batek ikastolako agendan kokatu zuen gaia. Eredu berri honek gure ikasleengan, familiengan, ikastolan bertan, ingurumenean, baita eskualdeko ekonomian ere, era positiboan eragingo duelakoan gaude. Honako hauek izan dira kontuan hartutako irizpideak: Gertuko eta ekologikoak diren eguneko barazkien kontsumoa. Era askotako zereal integral eta finduak. Elikagaiak: ahalik eta bertokoen eta ahalik eta ekologikoen direnak. Barazki-proteina (zerealak eta eltzekariak): Lehenengo hiruhilabetekoan hamabostero planteatzen da bigarren hiruhilabetekoan astero izateko intentzioarekin. Abere-proteinarik ez lehenengo plateretan. Frijitutakoak eta aurrez-prestatutakorik ez. Kolore, testura, zapore eta usain anitzak dituen dieta osasuntsua bermatuko ditugu.
