Beraz, ez da egia esatea gaur egungo ikasleek ez dutela irakurtzea gustuko. Irakurketa gure imajinazioan gauza aunitzekin lotua baitago: gure aitak ipuina irakurtzen zigunarekin, klasean irakasle horrek liburu baten edukia kontatzearekin, herriko txoko berezi batekin, … Gehienetan sentimenduak sortarazten duten zerbaitekin lotzen dugu, eta irakurketaren zaletasunak lotura afektiboren bat du askotan. Horregatik da garrantzitsu, berdin dio zer adin dugun, irakurtzeko leku goxoa aurkitzea, ozenki irakurtzea, leitu dugunaren inguruan hitz egitea, gure iritzia emateko aukera izatea.
