Euskarazko kalitatezko hezkuntza helburu, sortzaileek ezarritako filosofiari lekukoa hartuta, ausardiaz eta kemenez ari dira bide berriak zabaltzen. Ikasle batek esan du “Ikastolak kate luze bateko kate-begi garenaren kontzientzia eman digu”.

Esker handia zor zitzaiolakoan gorazarre egin nahi izan zaio Imanoli.

Santa Ana da adin handikoen egoitza Zarautzen. Ikastolako LH-2ko haurrak urtean lautan joaten dira bisitan. Ikasle bakoitzari “aitona ala amona” bat tokatzen zaio goxatzeko, kontu kontari aritzeko. Topaketa aldez aurretik antolatzen da, sentsibilizazioa landuz, baita opariak prestatuz ere. Lortutako harremanari esker, ikasturte bukaeran, zaharren egoitzan bazkari batera gonbidatuak izan dira. Gertutasunak eta goxotasunak bidea egin du.