Hezkuntza Astea antolatu dute elkarrekin

Hezkuntzaren Nazioarteko Egunaren (URT 24) karietara, hainbat ekitaldi antolatu zituzten adin eta gustu guztietarako. Bihotz-biriken berpizte-ikastaroa, batxilergo-ikasketen gaineko orientazio-saioa DBH 4. mailako ikasle eta familientzako, Irantzu Lekue muralistaren gidaritzapean "Biharko hezkuntza" horma-irudia margotzeko gonbita, 3 zailtasun-mailetako orientazio-proba, eta haur eta familientzako musika-ikuskizuna bildu zituen programak.

Hezkuntza izanik Ikastolon zutabe eta oinarri, eta hori ikasgelatik haratagoko asmoa izanda, Orereta eta Oiartzo Ikastolek herritar orori zabaldutako ekimena antolatu zuten Hezkuntzaren Nazioarteko Egunaren harira.