Mirabilla auzoan, ikastolaren lehengo jolastokian lurperatu dute lehen harria eraikin berria altxatzeko, Lehen Hezkuntzarako. Ekitaldi xumea izan da, ikastola barruko

kontsumorako. Harriaren ordez kutxa izan da, ikasle bakoitzeko marrazkia edo-eta hitzak sartuta. DBHko ikasleak arduratu dira gelaz gela hori antolatzen eta jasotzen,

guztien desioak biltzen. Eraikin zabal eta moderno berria lau espaziotan banatuko da.

 

Lehenengo solairuak  hartuko du kirol erabilera anitzetarako estalitako pista. Bere gaineko bi solairuetan egongo dira punta-puntako ikasgelak, ekitaldi aretoa eta erabilera

ezberdinerako gelak. Teilatuari ere irteera berezia emango zaio, bertan joango baita hiri-ortu ekologikoaren proiektu berritzailea.

 

Gurasoak, ikasleak eta ikastolako langileak elkartu dira ekitaldian, euriagatik frontoi azpian. Bertsoek, dantza eta kantek berotu dute giroa, eta kalejiran hurbildu dira eraikin berria altxatzen hasi diren eremura, pozez gainezka.