Hainbat estudioen arabera motrizitateak umeen garapenean duen garrantzia ikusirik Jakintza ikastolak erronka berri bati ekin dio, motrizitate saioak era sistematikoan ezarri baititu LH 1. eta 2. mailako ikasleentzat. Doman adituak hiru konpetentzia garatzea proposatzen ditu, hala nola mugikortasunaren-konpetentzia, esku-konpetentzia eta oreka-konpetentzia, eta horiekin lotuta dauden ariketak eginez garunaren estimulazioa, birikena eta umeen autonomia lortzen dira eta, gainera, oso garrantzitsua dena, horretan ere oso ondo pasatzen dute.

Mugikortasun-konpetentziaren helburua da eskumako belarria, eskua, begia eta hanka, edo ezkerrekoak berdin,  ziurtasunez erabiltzea, garunaren garapena sendotzeko.

Era berean hori eginez lortzen da modu egokian lantzea indarra, arintasuna, arnas aparatuaren efizientzia, koordinazioa, garunaren estimulazioa eta begi-konbergentzia. Horretarako ikasleak arrastaka, lau-oinetan edo karrerak eginez ibiltzen dira.

Esku-konpetentzia lortzeko brakeazio ariketak egiten dituzte. Oso ariketa onak dira bularra zabaltzeko, era horretara birikak garatzen baitira eta garunera oxigeno gehiago iristen da, eta, era berean, esku-presioa lantzen da. Idazketarekin zerikusi handia du esku-konpetentzia garatua izateak.

Oreka-konpetentzia lortzeko ariketa anitzak erabiltzen dira, adibidez, ariketa bestibularrak, birak, txilipurdiak egiten dituzte, eta horiekin umeen autonomia garatzen doa.