Ikastolen Jaietako babesle eta laguntzaileei.
IKASTOLA TALDEAREN ESKER ONA
Gure babesle-laguntzaileei eskerrak emateko unea da. Urtea bukatu da eta balantzea egiteko garaia iritsi zaigu. Ikastolen Jaiak bizirik daudela argi dugu, urtero-urtero erronka berriei aurre egiteko prest baitaude. Eta ez gaude bakarrik, herri honetan sustraitutako eta izen handiko enpresak baititugu gure alboan. Horiei guztiei mila-mila esker ikastoletako familia guztien izenean ematen diguten babes eta diru-laguntzagatik.
Herri txikien etorkizunak
zeru lainotsua sarri,
denboraleak behartzen gaitu
babespean nola jarri;
tarterik tarte arnasbidea
zabal deiogun elkarri,
eskuzabalon aire berria
baita gure bizigarri.
Babestu eta aireberrituz
Ikastolen ingurua,
zuen laguntzak indartzen gaitu
altxa dezagun burua;
konpromisoa bilakatu da
inbertsio segurua,
balioz eta ohorez jantziz
elkarlanaren mundua.
Mikel Mendizabal, bertsolaria
2013 Abendua
206
