Bizi esperientziak eta emozioak lantzen dituzte Ekogunean, haur eta gazteak naturara gerturatzen direnean, Donostian, Galarretarako bidean, dagoen eremu zoragarrian.

Ikastolentzat eskaintza osoa prestatuta dute, ikasleak naturarekin kontaktu zuzenean izan daitezen, era ludiko eta praktikoan ikasteko. Haur Hezkuntzatik DBH bukaera arteko aukera ugari baitaude, taldeari egokituak “Bertaratuko den ikaslea etxera itzuliko da botak eta eskuak zikinduta, esperientzia berezian murgildu ondoren, hala emozioa piztuta nola naturara loturiko zerbait ikasia. Helburua ez da tailerra; erronka da jasangarritasun gaian jauzi egitea; eta ez sentsibilizazioan bakarrik, akziora salto egitea baizik”.

Eskaintza ugaria 2016-2017 ikasturterako
Haur Hezkuntza, Lehen Hezkuntzako hiru zikloak eta Bigarren Hezkuntza dituzte sailkatuak eta bakoitzarentzat tailer bereziak antolatuta dituzte lau gai nagusiren bueltan: BARATZA, URA, ENERGIA eta HIZKUNTZA-EKOLOGIA. Adina aurrera, tailerrak teknikoagoak antolatzen dituzte, izan ere gaiak mantentzen dira, baina mailara egokituz.

BARATZAren errealitatearekin zerikusia duen gaian, Artoterapia, Eskuak lurrera, Mila bizidun ditu gure baratzeak, Intsektuen bila, Bizikidetza, Auzolanean landa landuz eta abar luzea garatzen dute.

URArekin lotutako tailerrak inguruan dagoen Zabalaga errekatxoan lantzen dituzte, adinari egokituak, uretan sartzen dira zer topatzen duten aztertzeko, ibaiaren ekosistema ezagutu,  uraren zikloa ulertzeko, uraren beharrak zehazteko. Energiaren kasuan bi eraikin berri dituzte, bioklimatikoak, bata lastoarekin egindakoa, bestea termo-bustinarekin lortutakoa. Hizkuntza- ekologia gaia jolas baten bidez lantzen da, ginkana modukoa, hizkuntza eta hezkuntza jasangarritasunarekin elkartuta.

Eta nola ez, berri berria den, HAUR PARKEA ere jolas librearen eremua. Benetan, ikusgarria. 

HAUR PARKEA
Ikastolarekin, familiarekin edo bakarka etortzeko.
0-12 urte bitartekoentzat
700m2 baino gehiago, 7 m altuerako gune

Material naturalarekin egindako espazio berezia da Haur Parkea. Eraikitzen hasi baino lehen hausnartua izan zena, ideiaren sorreratik irizpide pedagogikoekin landuta, eta honetan oinarrituta: jolas librearen bidez haurraren garapen emozionala, intelektuala eta soziala lantzen delako, besteak beste. Eskaintza zabala du, astean zehar edo asteburuan joateko.

Ikastolarekin joanez gero, tailerra eta Haur Parkea biak uztartu daitezke, eta taldearen beharretara egokitzen. Lau gela batera sartzeko ahalbidea dute.
Publiko orori zuzendua dago: familia, ikasle zein sektore ezberdinetako profesionalentzat.

Zehaztasunak hezkuntza.ekogunea.eus web atarian
Informazio gehiago www.ekogunea.eus
Rekalde-Hernani errepidea z/g
(GI-2132, KM.2)
20009 - Donostia

Gozatu gure tailer eta ikuskizunekin:
Familian edo taldean etorriz gero hamar laguneko taldea osatu, tailerra erabaki, eta hogei egun aurretik abisatu.

Ikastola interesatuta izanez gero:
1.- Telefonoz deitu 943 552 020 beti,  irizpideak zehazteko; eta e-posta bidali guztia lotzeko erresebak@ekogunea.eus : datak adostu, inprimakia bete eta erreserba baieztatu. 

Aurretik materiala bidaltzen dute gelara, eta itzuleran zerbait praktikoa egiteko irizpideak ere bai. Ikasleak Ekogunera etorri orduko zer dakiten, zer aurreiritzi dituzten galdetzen zaie, eta joan aurretik ebaluatzen. Hezitzaile eta irakasleekin harreman zuzena lantzen da, etekin positiboa lortzeko. Ikastolen Elkartearekin eta Berritzeguneko teknikariekin ere harremanetan daude, curriculumarekin txertatzen baitira esperientzia ugari.