Pello Añorga ipuin-kontalari ezaguna aniztasunaren balioak zabaltzen ari da Gipuzkoako ikastetxeetan, Foru Aldundiko Migrazio eta Aniztasun Zuzendaritzaren ekimenez. Añorgak 60 bat emanaldi eskainiko ditu, aurten, Lehen Hezkuntzako Bigarren Zikloko ikasleentzat (8/10 urte) otsailean hasita; saioek ordubete iraungo dute, doakoak izango dira eta euskara hutsezkoak.
Ekimenak Gipuzkoako Foru Aldundiak argitaratutako ‘Hodei baten bidaia’ disko-liburua du abiapuntu. Disko-liburu honek familiak aniztasunaz sentsibilizatzea du helburu, eta 50 pertsona inguruk hartu dute parte bere sorreran. Foru Aldundia ikastetxeetan, liburutegietan eta abarretan ari da banatzen  ‘Hodei baten bidaia’.