Ikastolak

Programa honen helburua da “lurralde ezberdinetan kokaturik dauden ikastolen arteko kohesioa, barne ezagutza eta elkartasun handiagoa bultzatzea. Ikasle, irakasle eta gurasoen arteko trukaketak sustatuko dira, hala nola, giza harremanak indartzeko, euskararen alde eta euskalkien alde jarduteko, kirola, teknologia berriak, elikadura burujabetza suspertzeko; edota inplikaturiko aldeek landu nahiko luketen beste edozein gai lantzeko. Hitzarmen honek balio du parte hartu nahi duen ikastola ororentzako”.

Berdina da beso eta lurraren distantzia katuka ari direnean, bai eta besoa eta paperaren arteko distantzia ere mahaian eserita ari direnean. Katuka, irakurketa eta idazketarako hain garrantzitsua den distantzia garatzen da. Bestalde, katuka ibiliz ondo eserita egoteko jarrera jorratzen dute (kontrol posturala). Adinaren arabera ariketak planteatzen dira, eta zailtasunak dituzten haurrek maiztasun handiagoz egiten dituzte.

Hausnarketarako bidea sortu genuen, eta sakon aztertu genituen haurraren berezko jokabideak eta gaitasun ezberdinen garapenak, hala nola, hizkuntzaren garapena,  garapen kognitiboa edo motorea... Zenbait eredu pedagogiko ere arakatu ditugu, hots, Integrazioaren Pedagogia eta Konfiantzaren Pedagogia. Era berean teoria psikologiko eta ikerketa ezberdinak ere aztertu ditugu, Reggio Emiliako eskola edo Emmi Pickler-en eredua esaterako.  Horrez gainera, beste zentro batzuetara bisitak egin ditugu.

IK/KI programan murgilduta daudenez, antzerkia ere era kooperatiboan antolatutako jardueren bitartez lantzen ari dira, ondorioz, ikasleen arteko elkarreraginaz taldean sortuko den artelana izango da. Beraien sentimenduak azaltzeko era bat ere bada. Iurgi maisuak partekatzen du antzezlanaren entseguetan zer egin, nola, eta nola adierazi. Era horretara denon artean erabakitzen dute aurrera nola jardun. Artelana taldean sortzeak elkarren arteko sentimenduak batzen ditu.

Lazkaoko neska-mutikoak Catford izeneko auzoan  familia ezberdinetan egin dute egonaldia Britainia Handiko hiriburuan. Bertan familia ingelesek dituzten ezaugarri, ohitura eta kultura ezagutzeko aukera paregabea izan dute. Goizetan Greenwich zonaldean dagoen ISIS eskolan, bakoitzaren maila ezagutzeko ahozko eta idatzizko frogak izan dituzte eta ondorengo egunetan ingeles klaseak jarraitu dituzte herrialde ezberdinetako beste ikasle batzurekin.

KEI zigilua, ikaslea pertsona bezala ardatz duen hezkuntza eredua da. Beronek irakasleen gaitasun eta balio profesionalaren onespen handiagoa du; Ikastolaren Idearioaren, Hezkuntza Proiektuaren eta eguneroko irakas-jardunaren arteko adostasun maila handiagoa du; irakas-jardueraren hobekuntza, eta funtsezko prozesuen zehaztapen zein plangintza bilatzen ditu, pertsonengan antzemandako premia eta itxaropenei erantzun profesionalagoa emanez.

Zortzigarren urtez egokituko den rallya martxan dute Irurako ikastolako gurasoak eta irakasleak. Eskertza besterik ez dute urteotan zehar antolatzen aritu den Iñigo Iñurritarentzat, orain arte bera aritu baita koordinatzaile gisara, eta txanda egitea egokitu zaio. Bere afizio-nahiari esker sortu zen egitasmoa, ikastolarentzat helburu ekonomikoak ateratzeko asmoarekin 2008an, hain juxtu ere Kilometroak egin zuten urtean.

Xabier Lizasoren bidez iritsi zen Amaia Lizarralde Orioko Herri Ikastolara txikientzat tailerrak eskaintzera, biek sinetsita baitaude antzerkiaren bidez, musika, kanta eta dantzarekin komunikazio trebakuntzak lantzeko baliabide zoragarriak direla.

Izenak atentzioa hartzen du, hezkuntzarekin ez baita erraz lotzen.  Programa hau teoria psikologiko zein ikerketa sendoetan oinarritzen da, eta helburu ditu irakasle eta ikasleen arteko harremana sendotzea, gelako kudeaketa eta giroa hobetzea eta ikasleen errendimendua indartzea. Era baikor batean atribuzio positiboak eginez, modu sistematiko batean estrategia bereziak erabiliz, bakarka eta taldean eginez, ondorio eraginkorrak izango ditu pertsonarengan eta taldearengan. Zornotzako ikastolan hala frogatu dute.